為慶祝寶寶由法國返黎，馬田主管特別帶我地去吃喝玩樂一番。由於轉左工作岡位關係，我地依家已經係馬田主管o既客人，即係話我地食午餐可以食到幾多點都得了... 呵呵! (熱情o既馬田主管真係好好人呀! 還記得我美國之行都係多得佢照顧。)由於馬田主管係蒙古人，所以一知道有好味o既家鄉菜，就要帶我地去試試。計起黎，我都係第一次食正式o既蒙古餐。餐入面o既主菜都係以羊肉為主，初時我都怕一陣「羶」味，但係一試入口，真係好好味。特別係切得薄薄o既涮羊肉... 好「正」呀! 仲有菜菜醋味沙律、溏心皮蛋、燒羊排、自家制綠啤同黑啤都令我好難忘呢!
「乾杯」之後又「乾杯」! 估唔到只係食個午餐都令到我high high地呢!
