本來時間分配好，裝燈同送來大大大床o既時間，但係我地都係晌間吉屋度呆等左幾個鐘。結果，佢地一如我地所料，好似約埋咁一齊黎到。
先講大大大床，外型就係我地要求的，簡簡單單，所以好難出錯。不過手工就差得很，竟然比我想像的還要差。現實都係殘酷的，本來我地對負責人阿伯一知半解o既態度已經好有疑問，依家抱住最後一絲o既希望都幻滅了。不過我地無退返去，因為以佢地交成咁樣，再造都唔會有咩改善。佢成為左小巨人最大歡樂泉源，因為小巨人會對住大大大床不停笑！唔通佢係刺激過度... 傻左?
輪到ｄ燈，老細姐姐之前話咩都得，點知個師傅又話咩都唔得。我地梗係由得佢講之餘又同老細姐姐投訴啦！結果我地要「專程」落去換... 唔係呀化？咩都無貨？下次換完都有問題，我一定出聲呀！（因為今次全程由小巨人發言，我就全程黑面。）
咁樣攪一攪，已經係朝11晚6了，我地仲迎接左巨人爸爸媽媽姐姐到訪，齊人去食飯。好野，終於有野食啦！
