因為要準備打邊爐關係, 所以要去街市一遊, 原來我好耐都無真正去過街市... 正正黃金時間, 所以好多人! 要成日對住血淋淋o既內臟同周圍都充斥住血腥味道o既街市都幾嘔心! 我只係覺得又焗又熱, 想快啲離開...其實, 我應該要有啲慚愧, 因為蘇太太就係晌街市做兼職養大我地, 仲要一日兩份工... 真係好辛苦. 所以我以佢為榮, 識到啲新朋友都極度推介蘇太太o既威水史. 依家我地個個都有野做, 都叫蘇太太做全職師奶, 但係嗰段日子佢反而唔慣, 所以依家就當打發時間... 今日街市一遊, 令我覺得"媽媽真偉大"!!
最後, 多得安妮太太同他他, 我地終於炮製左一餐好豐富o既打邊爐! 竟然仲有飯後甜"飲"... 火龍果+士多啤梨+益力多! 好好味!
