等左四年, 今日終於開波啦! 今年第一場係蘇小弟o既至愛德國(主辨國)vs哥斯達黎加, 照理係德國sure win, 但係世事無絕對, 所以希望會有場好波睇下啦. 之後仲有d好精彩o既"戲碼", 例如: 阿根廷vs荷蘭, 西班牙vs烏克蘭, 英格蘭vs瑞典... 好似好好睇!
今年o既吉祥物叫Goleo VI, 係一隻獅子. 但係德國人就好唔鐘意佢! 因為呢隻獅子竟然係無褲著的, d德國人又話佢有大肚腩(啤酒肚), 影響到佢地國家形象... 實在太攪笑! 仲因為佢唔係太受歡迎, 所以攪到個製造商破左產 (好勁...)不過我覺得都唔係太差啫, 睇真d, 其實都幾可愛!! 反而我覺得佢頭上面有個樣 (有個大大大口架) o既足球恐怖d... 呢個足球應該係一個"鬼佬", 因為佢對眼係藍色的!
