一直以為陀bb應該無驚無險的我, 應該開心得太早... 因為今日竟然見紅了!
本來一朝早發現時, 一直不太擔心, 點知到下午情況不妙, 打電話去搵醫生, 姑娘竟然只是冷淡的叫我去急証室, 原本想等到放工時等埋小巨人再作打算。後來小巨人提議再打去醫生度, 另一姑娘竟然叫我立即去見醫生, 當時我都感覺到自己感動得眼濕濕, 當然9秒9立即起行。
經醫生照一照, 原來是有點水泡, 令胎盤不穩 (((嚇死人咩...))), 不過情況是正常的, 但就要臥床一星期, 不要操勞, 休息休息。
回家後, 終於鬆了一口氣。
