無驚無險又到12週, 大肚反應仍然係反胃、作嘔同暈陀陀。不過好既係超好胃口, 雖然反胃就未試過嘔, (即係全數吸收麻... 嘿嘿)。又多得小巨人每日精心炮製營養早餐, 養得我「肥肥白白」。
今日去政府照OSCAR度頸皮, 之前要自費, 依家可以慳返2千蚊, 仲係可以排到早期, 真係好!
姑娘本來好似好惡, 嚇得我戰戰兢兢, 不過講開momo是食媽媽奶既時候, 姑娘竟然180度超nice... 真係估佢唔到。細bi好乖, 好快就順利度到頸皮, 今次result係1.06mm, 係正常水平。
跟住, 驗埋血走得, 由去到走, 都係用左1個鐘咋! 好快手!
