一朝早就要去醫院飲糖水! 其實即係做一個驗血，睇下有無妊娠性糖尿既風險。醫生話我本身偏重，所以就要比其他準媽媽做多一次驗血。(人地只要27-32週驗一次就得了!)
第一次抽血晌八點，之後飲一杯好甜既糖水。初時覺得甜甜地無咩野，仲飲得好快。點知唔知係太早... 太肚餓(之前要禁飲禁食)... 定真係太甜... 我飲完之後個頭發下發下，又有啲想「獲利回吐」。
不過嘔左要再飲過架，所以死都要忍住。跟住等左兩個鐘頭，再抽第二次血。之後當然去食個豐富早餐先返公司啦!
兩日內收到電話，即係驗血唔合格，咁就要比醫生捉入醫院食糖尿餐啦! 希望電話唔好晌啦...
