覃府彌月

覃府添丁，大宴親朋。我同小巨人幸運地被邀請，當然又可以見到舊日一齊打拼既好同事們。

我同左呢班大男人報喜之後，佢地竟然唔相信。因為我仍然未見肚，而且佢地又話我瘦左，個樣又細個左。可能晌佢地心目中，仍然係一個初初畢業既o靚妹，仲未似一個媽媽掛... 不過佢地知道係真既之後，都好開心。仲七咀八舌咁講起湊仔經，又叮囑我要小心同注意既事，好感動呀!

席間比我聽到一句:「有無攪錯，第一胎就係仔?」我知係玩吓，但係我想強調，生女都有生女好，思想咪咁守舊啦!