得天獨厚

今晚約左小花貓食晚飯，仲有一個月，賓尼妹就出世了。

雖然話仲有一個月就做媽媽，但係我覺得小花貓仍然係咁苗條，從後面看來，完全唔發現佢「舵」住賓尼妹。我覺得佢比未有bb之前仲靚左，如此得天獨厚，佢真係要考慮生多個賓尼小妹或者小賓尼呢!

我地傾得興起，小花貓仲上來「再坐一會」。好神奇呀! 我按住小花貓個肚，真係感覺賓尼妹晌度遊緊水，o個一刻令人有好感動既感覺。



真係每次都好唔捨同小花貓分別，不過下個月就可以見到賓尼妹了... 好緊張!