小桃同學相約飯聚派喜帖，最閒的我們 (我、小蒲、小影同珍妮絲) 當然應約，仲可以幫媽媽們代領。原來男子組做兄弟而另有聚會，所以最後我地一男四女又傾到餐廳差不多打烊。自從小桃做左專業人士之後就好忙，日以繼夜，所以已經好少出席聚會。記起上一次同小桃坐低傾計，已經係數年之前，一班同學深宵坐在荃灣的大街食宵夜。佢提到同一班好兄弟感情依舊非常好，好似我地一班女子組一樣，我們還提到一些往事。
我覺得人生總會有一些過客在生命中穿插，就像一首插曲。雖然記起會令人唏噓，不過也令人懷緬，大家互相不會聯絡，但必定會記得對方。我們數一數，一班入面有四十人，我們當中十多人仍然保持聯絡，這25%其實也很不錯呢!
