今日我地同事們個重慶咖喱團終於成行啦! 事發係有一次唔知邊個口痕講起，大家一哄而起，其實真係我想去好耐啦! 今次難得有人陪我「壯膽」，梗係要去啦!
由小豹做資料搜集，我地好快手就鎖定目標去「7E咖喱王(Khyber Pass)」。由進入重慶大廈一刻開始，感覺真係好奇妙... 明明係香港黃金地段入面一幢大廈，入到去發現自己好好似身處異地。
我地食左好多野，咖哩款式多到我地已經分唔到，芒果味「瀨屎」(Lazzi- 乳酸特飲)特別，同埋薄餅(芝士、原味、蒜蓉)真係好好味! 埋單價錢更係超值，八個人每人都只係$90。下次要真係要帶埋小巨人同夏太黎呀!
