當小巨人十點十打比我話已經落左車嘅時候，我先記得成日只係食左一盒菜，原來今日唔記得左茶點時間。非常肚餓同軟弱無力嘅我，等呀等... 等呀等...
點解落左車行返黎都要行成大半個鐘? 打電話又無人接，心急如焚嘅我已經痴左線咁不斷打電話。只接去留言信箱嘅聲音就令我更加不知所措! 我當時諗佢會唔會有咩野事呢? 要唔要打佢巨人爸爸度報失佢個仔呢? 定係打比蘇小弟問佢點算好呢? 胡思亂想嘅我差啲急到喊起上黎...
正當唔知點好嘅時候，終於比我接通左電話! 原來... 小巨人晌返屋企途中撞到師傅，佢個電話又收唔到。但係已經痴左線嘅我又點會咁容易放過佢! 於是就晌唔知道原因嘅情況之下，佢比我關機關槍般「破口大罵」... (我真係實在忍唔住一口氣爆發左出黎!) 激死我啦! 所以我決定唔等佢自己開飯先。到左小巨人返到秘密基地，我諗我塊面已經黑過一舊炭。嘻嘻，最後見到小巨人好落泊咁去洗碗，就當打和啦!
不過我又諗，係咪我自己太過緊張呢? 平時嘻嘻哈哈嘅我，其他人都唔知道，其實當有特別事發生嘅時候，我都會向壞方面諗，係唔係我自己想像力太豐富呢?
