不要掛心

今日同小巨人去左探爺爺。

之前蘇小弟都有提到依家爺爺情況好差，意識好模糊。見到爺爺之後，情況比佢地提到的差不多。相比之前探佢嘅時候，真係差左好多。醫生話佢身體機能退化得好快。有時候見佢瞓覺都好辛苦，但係我地旁人亦幫唔到佢，只有覺得好無奈。

今日同我地傾計都無力，還好仲認得我同蘇小弟。我記得之前爺爺仲清醒嘅時候同我講，佢無咩掛慮，又無負任何人... 我明白的。不要掛心，請好好休養吧!