又開飯啦!

又開飯啦! 今日放工去左買餸，返到秘密基地已經9點啦! 所以立即起動密密手切切炒炒，終於一切ready，只等小巨人發司號令。

今次比上一次早左開飯，早左大拿拿半個鐘(即係十一點)咁多... 由於我同小巨人都太肚餓，所以未等到拍攝時間，已經急急將洋蔥炒蛋、油蜜菜同巨人媽媽秘製香矛豬扒送入口中... 好味好味!

點解又係9秒9離開飯枱?? 激死人啦! 所以今日用左個「超凌厲」眼神，要小巨人郁手執枱。好彩，佢都屈於我單雙眼皮之下乖乖地動手! 我都知道佢已經好攰，日日過住朝9晚10嘅生活，所以其他就留比我收拾殘局啦! 不過一轉眼就已經見佢呼呼大睡(ZZzzzzz)，做左一隻食完就瞓嘅肥豬仔!