史力加雪糕

今日同阿頭寶寶上左中山，結果我地來回用左六個鐘，換來同供應商傾左四個鐘，當中有個半鐘係食飯...雖然有點頻撲，不過就係我地部門一個好開始。

調左部門之後，呢一個月先係同新阿頭相處，因為佢之前都係晌法國遙控我地。佢同之前m主任好唔同，可以比到我工作上嘅大方向，而且係好明白事理嘅上司，所以同佢傾計都好開心。我知道佢好想訓練我成為佢嘅左右手，不過我都有啲怕做唔到佢要求... 有壓力，不過可以push我... 我一定會努力架!

今日寶寶仲請我食左史力加雪糕(其實係麥當當新出嘅綠茶紅豆新地)... 雖然真身賣相九流，但係味道一流喔! 因為我鐘意綠茶，佢香濃嘅綠茶味正係我杯茶... 好味道!