今日係母親節, 我地都係去左陪公公, 之後同好多"母親"齊齊食飯(蘇太太, 玲姐 & 二舅母), 仲有開緊工路過o既阿E... 好高興!
我知道我唔係好乖... 成日同蘇太太鬥嘴, 唔返屋企食飯, 又唔做家務, 更加個個月遲出糧... (哈哈!) 不過, 我都知道每次做錯事, 蘇太太都會原諒我, 尤其我知道以前有段日子令佢好擔心! 因為以前好反叛, 覺得屋企咩都唔好. 但係離開幾年, 先知道屋企先係世上最舒服o既地方, 終於都明白"世上只有媽媽好"! 好彩依家先醒覺唔係太遲...
祝天下媽媽 "母親節快樂"!
