因為睇"歐聯大決戰", 所以特別放假一天...
起身已經係下晝食飯時間, 我同蘇小弟陪蘇太太飲茶, 玲姐見到我好驚訝(哈哈!)... 之後又去超市市場 / 銀行 / 睇醫生 (好忙之餘, 仲瞓左個"午睡")... 最勁係約左蘇big同蘇小弟走埋入東涌, 睇下傳聞中o既"公屋一人單位"!
嘩!! 勁到呀... 好大呀! 最"正"係個廁所同廚房, 間隔四正... 可惜蘇小弟好久唔久先入去住一晚, 所以之前車入去o既"補給品"可以話完全無郁過, 如果執下佢, 簡直係五星級的家! 我地三個吵吵鬧鬧咁出返青衣, 仲同蘇太太食泰國野... 好開心! 家庭同樂日! 今日本來約左他他去食飯, 但係我no show, 因為次次家庭同樂日都係差我. 我知我好衰, 留比屋企人時間好少, 又成日無心肝... 所以難得一日咁齊人, 就留返比蘇太太了! (哈哈)
