今日都有驚險事, 就係行山既時候, 突然有隻馬騮撲出來要搶momo手上的巴斯紙巾, 仲要第一次唔成功再搶第二次。包紙巾係momo既寶貝, 所以momo又死唔放手, 最後好彩馬騮放棄走了, 不過我已經嚇到大叫。都是菜太夠冷靜立即抱走momo。
今次是我自己帶momo出發, 佢好乖好聽話無扭計, 而且挨到回程先要抱抱訓覺, 真係要讚一讚。今日天氣又好, 大家沿途走走看看, 有講有笑, 好開心。
返到屋企momo都有同爸爸講「馬騮搶巴斯」, 又話「好驚呀!」, 不過就仲好鐘意馬騮, 無「嬲」佢 (笑死我!)... 最後當然又被爸爸怪責沒有好好睇住momo了。我都知, 媽媽以後真係要淡定d。不過今次可以教到momo唔好再成日拎住野周街行。
