今日下午收到個咁既電話...
獎品小姐: 「小姐, 恭喜你之前參加我地雜誌舉辦既大抽獎得獎...」
我: 「下... (想: 真定假架?)」
獎品小姐: 「獎品係xx細仔奶粉。」
我: 「哦.. (想: 一罐細奶粉, 是但啦!)」
獎品小姐: 「小姐, 你可以拉車仔或者拎定環保袋上黎, 因為一箱8罐都幾重架。」
我: 「喔... 8罐? 一箱? (想: 又幾好喎!)」
獎品小姐: 「係呀, 不過請注意, 因為食用日期到今年6月, 所以建議你地儘快拎啦!」
我: 「哦... (想: 你玩我咩?)」
因為獎品小姐非常有禮貌, 所以我就無同佢反映, 其實我家妹妹最快6月中先出世, 要佢一日食10餐, 都食唔晒6月到期的8罐奶粉呀... 我唯有當是笑料一則。
不過中獎了, 還是開心的, 謝謝這雜誌給我和妹妹這個「luck」!!
