我公司都出左名騎呢，唔係d同事咁簡單，而係成個admin都超騎呢...
今日有人拎住我張產檢假紙同我講，公司唔接受「整天」既到診紙，要問醫院攞病假紙。我同騎呢喇叭(傳話人)講，我唔係病，醫院點開病假紙? 張紙寫明我成日晌醫院，咩野叫只當半日? 咩野道理? 不如公司寫明點先接受。明明係我上午同下午各有野要做，係醫院安排架麻。其實可以同我了解左咩野事先，唔好咩野都唔知就話唔接受。真係痴痴地...
之後又話我請左一個星期假，要扣埋個短週，我話要「問下」。騎呢喇叭就話已經問左勞工處，你問左唔代表我唔可以問下化? 我知錢唔係好多，只係五分一，但係就好激氣!
本來我放工o個陣真係想爆炸，不過小巨人話... 扣多一日、少一日都唔係問題，由得佢地慢慢扣，當「豪比佢」啦! 最緊要唔好影響心情!
因為假可以慢慢請... 心情唔好請假、心情好又可以請假!!
