第三次去醫院覆診了。
次次去醫院，排隊時間又長，人又多。最厲害係唔知點解d準爸爸們，見到咁多腹大便便既準媽媽，係都唔會讓位，仲要唔比人坐。見到呢d情況，我就會好炆! (唔係話我自己，因為我個肚只係好細。)
見醫生又係唔過10分鐘，小巨人叫我問醫生，我地點知毛毛個size正唔正常，醫生只係話:「你個肚圍ok，唔駛擔心!」。查實醫生，你又點知bb晌入面有無事架呢??? 而且個醫生，連佢講咩我都聽得唔太清楚，佢把口好似唔願開咁...
唉... 有時真係想放棄唔去政府醫院。(不過今日最好係，可以同夏太同食午餐同蛇左半日行街街!)
