因為廣交會關係，剛過去的週末，去左廣州三日幫手。
好彩最後有外緩幫手，有左主力一號、二號，我就可以安心做我既「廢人三號」。行行企企、買下咖啡、午餐呢d跑腿工作，對我黎講，實在係優差。因為已經病左成個星期，依幾日真係比我安心休養。
前幾日，無左小神童陪我食lunch，真係日日晌公司喪瞓，無啖好食... 所以每日散場之後，我地三個就去食餐好既。原本都無風無浪，點知到今日收檔，原來先係戲肉。大陸所有野都無人理，好彩最後都攪得掂。
最難忘係三個傻仔，晌大陸highway拉住個喼四圍左穿右插，真係嚇死!我同小神童最後都miss左班火車，要跟車由廣州去深圳，真係驚險。
