美麗回憶

一月真係結婚好日子，我同小巨人三日之內參加左兩個婚禮，今次主角係阿dee。

阿dee致辭時，講左番說話，聽完真係好感動! 佢話好早已經決定要晌依家舉行婚禮的地點，同埋以太太鍾意的方式籌備婚禮，因為佢想送呢個美麗回憶比太太。我見佢地成個婚禮安排都好有心思，特別係新娘子親手畫的請帖同簽名冊，真係令人印象深刻!

雖然天氣有點凍，仍然無損婚禮甜蜜又溫馨的氣氛。我地成班舊同事好似係全場最開心最嘈的，成班有大有細都玩到唔捨得走。當然又約埋大家新年又嘈過!