食盡香港

難得安安仲有一日晌香港，我同小神童一於帶佢食盡香港。琴日帶左佢食泰國菜，今日就換下食韓國菜。因為安安同小神童已經留左晌廣州成個星期，食左中菜同日本菜，所以香港行程都係食下其他亞洲菜。

最後我地揀左豐園，之前同他他佢地食過，夠「韓國」同好好味呀! 我地去到已經好夜，所以好快就有位了。

琴日去左女人街，本來今日想去埋廟街，不過我地醒起原來未帶安安睇香港最出名o既夜景，所以一於食飽飽就去散下步啦!

其實我成日都唔知「星光大道」晌邊架... 今日同安安一齊做左遊客。真係好靚喎! 可惜我地的傻瓜機，唔係好影到咁靚o既夜景。下次要同小巨人黎，等佢帶埋個新玩具黎先得!

安安好開心黎到香港，佢話好想再黎。我地都好想再同佢去玩過呀!