終於開始我同小巨人迷失東京之旅。
因為朝早08:10飛機關係，我地05:00就要出發。都好，亦令我地晌飛場上面好好訓。原本話要4個幾鐘的機程，3個多小時已經到啦! 可以話係意外驚喜。一落機就要搵n'ex，即係我地的機場快線，好彩都係easy job。
去到新宿落車先係一個難題，因為新宿站真係好大、好大，成個迷宮咁樣。又加上天氣非常悶熱，真係想暈底。幾經辛苦，終於去到傳聞中又平又難訂的Tokoyo Inn了。又果然係房仔細細，勝在咩野都有。
是日夜晚去左新宿閒逛，小巨人去到Tokyu-Hands好開心，我都未見過佢買野好似個細路仔咁happy... 哈哈哈! 不過返酒店之前落住滂沱大雨，超勁，我地全身濕晒呀!
(我地個日式咖喱晚餐。)
