林兔

琴晚去左睇林狗了，不過佢今次做左「林兔」。每人入場都可以有一雙小兔耳仔，加埋個舞台亦十分cutie，令全場都可愛起黎。

雖然只有三面台，舞台又細細，但係全場爆滿的威力真係勁，因為一齊哈哈大笑的笑聲，已經好震撼。我覺得比上次晌會展的好睇，又好笑啲。


原來好戲還在後頭，因為有阿葛呀!!! 哈哈哈! 事前唔知道有阿葛，所以好興奮。佢地造型非常攪笑，仲有新組合名叫「高山青龍」。(張相係上網搵的)


點知今日睇到報紙，話阿葛做完琴晚個show之後，因為疲勞過度個心唔舒服，仲入左醫院，之後都唔會演出剩返嗰幾場。真係太可惜啦... 要快啲好返呀!