今日，又去左親親小晴晴啦!
我好興奮，因為已經一早約定翠斯同小花貓。唔知佢地仲記唔記得，翠斯、小花貓、夏太係我中學時代最好嘅朋友，我地仲成日約埋傾計、逛街同唱k。不過唔知幾時開始，大家就各有各忙，只剩返我同夏太，好耐都未試過同佢地坐埋一齊閒話家常。
今日，翠斯仲宣佈左一個好消息，佢要做媽媽了。我真係好佩服佢，因為由佢幾個月之前話我知佢嘅想法，到依家真係實現左，感覺真係好奇妙。其他人可能係信口開河嘅一件事，佢真係做到。而且我真係感受到佢做準媽媽嘅喜悅，我真係要為佢鼓掌!
小花貓向公司請辭了... 過去幾個月都一直唔敢搵佢，就怕打擾佢。好野，終於可以約佢，真係好享受我倆講不停嘅時光呢!
