上海精華遊 (1)

今次上海之旅稱得上係上海精華遊，因為工作關係，真係好精華下...

我地計劃15號下午機，17號夜晚就返香港了，即係只逗留短短三日兩夜:
第一日 - 14:00起飛，一落機就搭幾個鐘夜車去個鄉下地方。
第二日 - 食完午飯又搭返幾個鐘車去上海，去到應該係傍晚。
第三日 - 食完午飯又要起程去機場，搭18:20班機返香港。

今次搭咁短途，飛機上面竟然都有電視仔，所以貶下眼就到啦!


不過一落機, 我地竟然搭左六個鐘車(原本只要四個半鐘)，要夜晚11點幾先去到酒店，真係激攰。好彩今次間酒店好過上一次好多，我地總算有覺好瞓。