聖誕佳節，我同小巨人當然唔可以浪費，一於約定好友們食到夠、玩餐飽! 其實今次都係我地多謝一班兄弟姊妹嘅慶工宴(真係要多謝屋主添美借出安樂窩)。大家拖男帶女，估唔到竟然有18人... 所以場面非常熱鬧!
多得我地feating左聖誕baby小臻臻落力娛賓，因為無論佢瞓左、笑緊、飲奶定係換片片，大家都係咁開心! (哈哈哈!)最緊張當然係交換禮物時間，真係估唔到各位$30竟然可以買到咁多野... 故事書、毛巾、厠紙筒、相架、公仔杯、朱古力、蠟燭座、浴鹽! 簡直係份份驚喜，無盡興奮。
我地戰鬥力亦非常強勁，竟然由3點玩到11點。燒到無晒野食就去飛車買返去再戰鬥過! 因為夜晚先係我地嘅戲肉，我都係鐘意小健金句:「人生唔係有好多次機會有幾個選擇晌前面!」(哈哈哈!)
真係要多謝各位來賓，大家要開開心心過聖誕呀!
