今日終於可以同菲比聚一聚，佢難得返黎幾個星期，可惜無義氣嘅我忙住上個月精彩之旅而無出黎陪佢... 結果又要到佢就黎返加拿大我先可以出黎現面。只見幾面又點可以慰解我地「相思之苦」! 所以趁食飯之前我同菲比講左好耐電話。聽完之後，我好擔心呀! 希望佢快啲解決晒所有問題，名正言順做個「幸福笑奶奶」! 支持住呀!
糖糖話我知今次仲有個神秘嘉賓--東大哥，因為佢想見下我同菲比。想一想，原來自從返黎同佢過完一個happy new year之後，我地都無見過面，足足六年啦! 所以我都好期待今次飯聚。東大哥見到我就話我呢幾年一定過得好開心(因為佢見我肥左...嘻嘻!) 係喎! 又比佢估中... 大家咁話啦!
東大哥又提起佢澳洲時期嘅朋友都已經各散東西，有啲仲避而不見。好慶幸我同卡文、糖糖、海倫、菲比仍然咁努力維繫大家感情，都係多得張「麻雀枱」。
雖然大家外貌有變、世界又變、時光又可變，我都感激我遇見喔!
