出trip去@美國 (8)

只係三個鐘頭飛機, 已經換來好大分別啦! 去到Boca, 竟然好好天氣, 見到陽光之餘, 仲天朗氣清! 我食到一餐熱o既早餐, 唔駛再食凍o既muffin同多士啦!

因為只係開左半日會, 所以我又有機會四周圍行下, 不過美國d路都唔係好配合行人用, 可以話係無行人路的, 諗返都覺得好攪笑... 好似電波少年咁, 行住兩旁草地, 但係中間就係人地d公路 (其實都幾危險架)!

夜晚就同安先生太太共進晚餐, 好開心識到安太太, 好nice同健談, 令人好舒服! 佢曾經晌我公司做野, 後來因為工作關係識到安先生, 之後仲拍拖結婚同去左美國, 好一個happy ending呀! 好似戲入面先有, 到依家都係公司入面一時佳話呢!