仲記唔記得我同蕃茄既"求神拜佛"之行呢? 今日終於成行啦! 最好笑係我地兩個青衣仔出省城, 差點係黃大仙蕩失路。好彩好快就搵到。其實我地都唔係好知道d程序, 希望用誠意撘夠。"黃大仙, 黃大仙, 請你保祐婆婆身體健健康康, 同埋公司生意快d有氣息, 咁我一定會還神架!"
之後就同蕃茄去左食Lunch同行街, 好耐都未試過咁輕鬆行街傾計, 仲買左好多無聊野 :)
不過三點又要趕返屋企, 因為約左小巨人去同公公&婆婆食飯, 但係我實在太累...終於訓過鐘! 結果唔可以接佢地去 (好彩有蘇碧係度), 仲差d"毫無建樹", 好彩都幫公公買左兩包米(八公斤)! 不過見到公公今日係咁偷笑, 又笑到見牙唔見眼 (因為帶婆婆去食飯), 我都好開心!
今日多謝小巨人幫手喔! Thanks so much!
